اضراب عام

ana ma3aky
we ew3y te7gory 3ala ra2yek
7ata law fakrah 2akaleya zay manty fakra
we 3ala fekra enty mesh 2akleya fe nas keter ra2yohom zay ra2yek
we ady mesal baset
men 7'elal da3basty el motawad3a

http://ana-we-nafsy.blogspot.com/2008/04/6.html

http://shokeir.blogspot.com/2008/04/6.html

http://kabardemaghak.blogspot.com/2008/03/blog-post.html

http://hekayat-farida.blogspot.com/2008/03/blog-post_8646.html

http://demaghy.blogspot.com/2008/04/24.html

بدون فلسفة ... و تحليل لإيجابيات و سلبيات و كلام كبير
دا غضب شعبي ضد أمور كتير غلط فى بلدنا و الغضب ده لازم ينفجر و لازم الحكومة تعالجه بذكاء شديد (و طبعاً ده مش هيحصل أبداً)
--
أما رأيي بصفتي طبيب أسنان قلته قبل كده هنا (التعليق الرابع)
http://itkallem.com/6th-of-april/

إضرابات الأطباء بتشتغل فيها الطوارئ. لكن فكرة الإضراب هي تعطيل النشاط لتحقيق مطالب عادلة، زي مثلا حد أدنى للأجور و إعانة بطالة للناس ال بيشتغلوا مكانك في الشغل القديم.

الورق الحكومي و المدارس و المواصلات و البريد و حاجات تانية ممكن تقف علشان حاجة مهمة زي دي، صح؟

الإضراب دا بالذات ما لهش صاحب، يعني ال هيشتغل فيه هيكسب، و ال هيقعد في البيت أو يروح الشغل صوته مش هيوصل.

ما هو علشان انتى فى شركة مريحاكى مش عاجباكي الفكرة
كان لازم تبصيلها من ناحيه تانية.. الناس الغلابه اللى مش لاقيه تاكل .. لازم كلنا نقف جنيهم
الحمد لله انا بشتغل و جوزى كمان و مرتحاين جدل بالنسبة لناس كتييييير الحمد لله
بس مينفعش ابدا منحسش باللى حولينا و نكبر دماعنا !!

ده السودااااااااااااااااان لما عملوا الاضرابات نجحوا و شالوا الرئيس اللى مش عايزينه

النهارده........ النهارده زيمبااااابووووووى.. فى زيمبابوى يا نااس .. المعارضة كسبت الانتخابات

لكِ الله يا مصر.........

بالطبع أتفهم وجهه نظرك يازيزي ولكن لا أوافق عليها ...
وأتمنى أن تقبلي كلامي بصدر رحب

لا أريد أن أقول لك مجرد كلام نظري عن غاندي والعصيان المدني في الهند الذي أجبر الإحتلال الإنجليزي على الرحيل ... ولا أريد ان أحدثك عن تغول الأمن وسيطرته على كل شيء في المحروسة والأهتمام بالأمن السياسيي وأهمال الجنائي حتى وصل الحال وأنا أسكن في منطقة تعتبر أرقى الاماكن في الإسكندرية ومنذ ولادتي أسكن بها أن جميع المنازل والفيلات تم تجديد أبوابها وأعطاء مفاتيح للسكان نظراٌ لكثرة السرقات.
ولكن ولأن وظيفتي تحتم علي الإحتكاك بكل أنواع البشر أقول لك أن الحال أصبح لا يمكن السكوت عليه والكل أصبح يعاني والبلد لمن يعي على وشك الإنفجار ...
الأضراب حق مشروع كفله القانون وأحكام المحكمة الدستورية العليا هذا رأي القانون أما رأي الشارع فإن الإضراب هو مجرد رسالة لمن يهمه الأمر " أننا لسنا عبيد يا أسيادنا " وأن " شعب مصر لم يمت بعد "وإذا نجح الإضراب في توصيل تلك الرسالة وهو قد نجح في توصيلها فعلاٌ قبل أن يبدأ ...... فهذا يكفي ... الآن
تعرفين طبعاٌ مدى تقديري لك من زمااااان وربما قبل أن تعلمي ولهذا كتبت هنا ... فعذراٌ للإطاله فليس لدي وقت للإختصار

مع أني أشعر وأرى وأعيش في السوء الذي فرضته الحكومة , إلا أني أنا أيضا لن أشارك في الإضراب

اقرئي هذه التدوينة

http://shokeir.blogspot.com/2008/04/6.html

وهذه

http://ctybrdnews.blogspot.com/2008/04/blog-post.html

لست وحدك ولست وحدى هناك كثيرين معك ومعلن هذا فى مدوناتهم صارحه

بصراحة فكرة الأضراب ليست فكرة مصرية وأنما هى فكرة نابعة من تجارب سابقة ومن شعوب كثيرة متحضرة وهى وسيلة للتعبير السلمى عن الغضب وموضوع المستشفى والعيان والكلام دة غير منطقى لأن كل شخص يعلم دورة وأهمية دورة يعنى الطبيب الموجود لأنقاذ الناس بالطوارئ حالة أستثنائية أما موضوع شركتك البتعطيكى راتب كبير لابد أن لاتكون عائق أمام الفكرة لأن بهذا التفكير تكونى قد شخصنتى الموضوع ويجب أن تتحمل الشركة أوضاع البلد لأنها ليست ببلد أخرى وأعتقد أنها كشركة محترمة كما ذكرتى فهى لن تأيد أو تمانع وعلى الوجه العام أعتقد أن أول الغيث قطرة أى حتى لو الناس أضربت اليوم فقط وغدا ذهب كل شخص لحال سبيلة فسيكون الكل قد ربح لأنه قد تم توصيل أنذار قوى بأن الشعب ممكن أن يتوحد للقيام بما هو أسوأ من الأضراب لأننا لو نظرنا لكل شئ بمنظور شخصى أو على أنه لن يقدم أو يأخر فلن نفعل شئ وشكرا

اولا
انا معجب بمدونك دي من زمان جدا

ومتابعها من اكتر من سنة

وعايز اقول رايي في المظاهرة دي

أولا احنا شعب همجي يعني لو اجتمعنا في المظاهرة - ده لو - اكيد الدنيا هتخرب والايد السوداء هتلعب

واحب افكركم بسينسيبري اكيد فاكرين ودي كانت عملية سرقة 100% تحت شعارات أخرى

ومن الآخر انا حاسس ان دي كذبة إبريل 2008

وكل عام وانت بخير

اسحيلي هذا تفكير اناني كونك مستقره ماديه
لم تشعري بالشعب المسحوق

انا شخصيا اتمني الفكر الرافض هذا ينتشر في اليمن والسعوديه

لان الوضع اصبح لا يطاق

http://hadaih.blogspot.com/

انا هامسك نقطة واحدة بس عشان اصحح الصورة لان واضح انك بتاخدي الامور بسطحية

بما اني كنت من اللي بيطالبوا باضراب الاطباء فلو حضرتك تابعتي كنتي عرفتي زي ماالنقيب صرح
وكلنا قلنا
ان الاضراب له مباديء واسس وليس شيء فوضي
واضراب الاطباء حصل في دول اكثر تقدما مننا وبرضه اقل تقدما يعني من الاخر احنا اللي وقعنا من قعر القفة

الاضراب بتاع الاطباء كان عبارة عن ساعتين
وهو اضراب رمزي بمعني ان الحالات الحرجة والولادات واي حالة مستعجلة هيتم معالجتها عادي ولن يتم عمل اضراب فيه وانما هو في الحالات التي تتحمل التأخير والتي قد يؤجل المريض نفسه المعاد من يوم الى يوم يعني زي العيادات وامثالها
وقد تم الاعلان عن هذا كثيرا وبح صوتنا
ولكن يحزنني انه قد نجحت الحكومة في توصيل الصورة الخاظئة عننا رغم كل مجهودنا ده

ده كان فيه اقتراح انه يتعمل اضراب الساعتين دول وبعدها ساعتين يتم العمل بضعف القوة لاعلام الناس بمطالبنا واهدافنا
ياريت لو تدخلي على موقع اطباء بلاحقوق وتعرفي منه الصورة بالظبط

بالنسبة للباقي فالشعب يعني مش خلاص شغال ليل نهار الشعب من غير حاجة مابيشتغلش وكأنه يوم عيد من الاعيااد الكتيرة واللا جت على اليوم ده يعني خلاص

ياريت بلاش نوعية الاتهامات زي "باخد الكلام بسطحية" والحاجات دي.. لو انت شايف كده يبقى مفكنش في داعي تعلق على كلام سطحي كتبته واحدة سطحية..

الاضراب بتاع الاطباء اللي عبارة عن ساعتين.. الضراب الرمزي اللي انت بتقول عليه.. مكنش هو محل الكلام في "الاضراب العام" .. اذا كانت الدعوة للاضراب الرمزي موجه للاطباء.. فليه ده مكنش واضح من ضمن الدعوات الللي سمعنا عنها...

انتو كنتو بتدعو "للشلل التام" لو كان قصدكوا مكنش كده.. ماوضحتوش ده ليه.. !

- انت بتقول " بالنسبة للباقي فالشعب يعني مش خلاص شغال ليل نهار الشعب من غير حاجة مابيشتغلش وكأنه يوم عيد من الاعيااد الكتيرة واللا جت على اليوم ده يعني خلاص"

تصدق بالله انت جبتها.. جبت السبب اللي خللي الناس تواقف على الاضراب.. السبب الحقيقي السهل اللي مش هيكلفهم غير يوم اجازة.. من الكلية ومن المدرسة ومن الشغل.. يوم زي 6 اكتوبر وشم النسيم.. دا غير الناس اللي قعدت خوفا من اشاعات التهديد بالعنف اللي انتشرت الله اعلم مين السبب فيها..

الناس ببساطة واقفت على الاضراب.. لأن كل المجهود فيه هو انهم هيغيبوا من شغلهم ويقعدوا في بيوتهم.. من ضمن الايام الكتيرة اللي بياخدوها اجازة.. عندك حق.. مجتش ع اليوم ده، واهو نوع من تنفيس الغضب.. التخدير..

بصيانا رحت الجامعة عشان جامعة خاصة وكده بس حضرت الضروري بس عشان فاضلي حصة واحدة في الانكليزي لو غيبتها هاخده في الصيف
بس ماركبتش مواصلات عامة خالص (ابقي اقري تدوينتي كده)

بس انتي اكيد ركبتي مواصلات عامة انتي جاية من سفر يعني
عشان كده انا زعلان منك :)
بس الاضراب نجح واحسن حاجة اننا اثبتنا للحكومة اننا اقويا واثبتنا للاخوان انهم مش قوة عظمي ولا حاجة الشعب هو القوة العظمي في البلد ديه
وانشاء الله التغيير قرب اوي وانا شايف ان ممكن بعد مالجو يهدي الحكومة ديه هاتقال

تعليقا علي اخر تعليق ليكي يا زيزي:
هو الشلل التام ده مش احسن من التخدير اللي بتتبعه كل صحف المعارضة

عالاقل التنفيس ده هاياثر والناس اثبتت انهم مش "غير ناضجين سياسيا"
الشلل التام احسن من مانسكت لحد مالجيش يقوم تاني -وصدقيني ده هايحصل لو الناس ماتحركتش- ونبدا بقي من الاول

وبعدين ماحصلش شلل تام ده كان تهديد بسيط جدا واعتقد ان الرسالة وصلت -زي ماقال مصدر كبير في الداخلية للجزيرة ان الحجم كان اكبر من المتوقع-
كفاية ان الناس تبدا ماتخفش، الناس بقت بتعرف تعمل مظاهرات والثقافة ديه اتكونت عندها، دول عاملين مظاهرة عشان جنينة في المهندسين!
فانا شايف ان اللي حصل كان شيء اجابي جدا

اكيد لاحظتي الخوف بين الداخلية والجنون في التعامل مع الناس ولاول مرة من زماااااااااااااان يبقي في بيان مسبق
لانهم عارفين ان الدعوة ديه مؤثرة وهاتعمل حاجة
وانشاء الله الاضراب الجاي هاايبقي اكبر بكتير

واليوم الواحد من اكتر من 30 سنة مش هاياثر علي البلد لان البلد مشلولة بافعل
ده حتي الاثار باظت
دلوقتي هايبداوا يخافوا ويعرفوا ان المعارضة مش عبد الحليم قنديل ولا د.المسيري ولا اي حد ولا النخبة كلها المعارضة=الشعب كله

ارجوا اني اكون اقنعتك :)

للأسف الناس كانت مجبرة على الإضراب زي ما هي مجبرة على كل شيء.. لم يكن هناك طريق آخر والموقف تصعد من مجرد إضراب إلى حرب أو قتال شوارع.

اللهي ياخدك ياحسني

مش عارف لما شفت الاضراب افتكرت تمثيلية قديمة

لسمير غانم وسمية الالفي

كان اسمه فيها

اسم طوووووويل وومضحك

(شريف سليمان جاد الرب راتب يارب خلي جمعه الهي ياخذك ياحسني.........)

العجيب انها كانت قبل مايمسك حسني الحكم .......

يكونش تنبئ انه حيجي يوم نقول الكلمة دي

مش عارف بس برضه الهي ياخذك ياحسني

علي فكرة الصورة بتاعت المدونة غريبة جدا !!
الملامح غريبه
العيون غريبه
كل تقاطيعها غريبه
لكن فيها جاذبيه عريبه
جايز يكون الاحساس الداخلي
طابع علي الخارجي (!!)
وجايز اكون ان نا بخرّف

على فكره انا معجب بدماغك ومؤيدك وزى ما قلت فى مدونتى ومع خالص اعتذارى لحبايبى اللى دعوا للاضراب بس انا فى رايى ان الاضراب فشل فى انه يحقق الغرض منه ....يمكن نجح فى حاجات تانيه بس انا اسف يا جماعه الغرض من الاضراب متحققش

أنا عجبني في الإضراب أنه هز الحكومة ...
كانت حاجة جديدة علينا نلاقي الحكومة بتعمل كدة من خوفها

معلش الظاهر انى جيت متاخر بس انا عاوز اقول راى بسيط
بصى يا ستى
من حقك تماما انك تقولى رايك وانك تاخدى الموقف اللى انتى عاوزاه براحتك .. فى النهاية دا مش هايفرق اوى مع الاطراف الاخرى
لكن المشكلة ان الاضراب دا مالوش جهه معينة منظماه و بالتالى مش ممكن حد يقعد يحط قواعد ونظام مين اللى يشتغل ومين اللى مايشتغلش و الاطباء يشتغلوا كام ساعه ويعملوا ايه
باختصار ما فيش جهه راعية للموضوع علشان نقدر نلومها ، يعنى حتى الاطباء لو اضربوا طول اليوم او للابد .. ما حدش يقدر يلومهم
الفكرة الاهم بقى انك ما كنتيش موفقة فى ترتيب افكارك اللى بتقدمى بيها وجهة نظرك ... يعنى كلامك على شركتك وخلافه مش فى محله ومش موفق
بيدى انطباع بالانانيه وعدم مراعاة مصالح الاخهرين وايضا عدم تفهم المقف بشكل دقيق
الواضح ليا انك كنتى عاوزه من خلال البوست دا تثبتى موقف .. عاوزا تقولى انا مش معاهم
وكان ممكن تقولى كدا على طول من عير ما تمسكى العصايا من النص وتفضلى تقولى انك فضلتى تفكرى وتراجعى البدايل وكدا
وتعلنى من طرف خفى تضامنك مع اللى هاينضروا من العادلى نتيجة الاضراب
يعنى كان ممكن تقولى رايك وتطالبى اصحاب المهن الحساسة انها ما تنضمش للاضراب من غير ما تحاولى تبررى او توازنى الامور
فى النهاية الضراب نجح على كل المستويات مع احترامنا الكامل مع احترامنا الكامل لارائك الذاتية جدا

في الحقيقة يا زينب انا اترددت انا كمان في الكتابة فترة طويلة وبعدين جالي اسهال وكتبت 4 تدوينات في مواضيع مباشرة او متعلقة بموضوع " الاضراب "
الشعور اللي جالي وانا بكتب اني حبقي ضد التيار وان لازم فيه حد حيتهمني في " وطنيتي " او " ايجابيتي " او " كرهي للفساد والطغاة " وكدة يعني

زمان مكنتش بخاف ان اكتب اراء متعلقة بالدين فيها مخالفة للجو العام او الاحساس العام باعتبار ان ده رايي وانا حر فيه ومع ان مواضيع الدين حساسة جدا وفيها مستنقعات والغام الا اني تجرأت فيها وبلا أي خوف
ولم يهمني التشكيك في النوايا ولا الايمان ولا العقيدة ولا اي اتهام بأني " منحل " أو " مخالف لصحيح الدين "

علما بأني اؤمن باني ما اكتبه لا يمثل الا رايي الشخصي ولكنه ايضا نابع ومستمد من الاصول الاسلامية التي أتمسك بها

المرة دي حسيت ان " التكفير الوطني " بيخوفني جدا وبيخليني حذر لان موجات " الوطنية " الجارفة هذه بتخلي الناس في وسط الاندفاع العاطفي تتهم الناس في اجنداتها ونياتها
تخيلي لما يكون الخوض في مسالة دينية اهون لدي من الخوض في مسالة سياسية او متعلقة بما يسمونه الوطنية

لما الواحد ميحسش بالامان وهو بيقول رأي قد يخالف تيارا معينا لانه ربما يتعرض لإعدام في شخصيته وتشويهها وتلقيح كلام ورمي جتت

لما يكون احساسي اني لو قلت اللي جوايا يجب ان يحسب ضدي ويجب ان يتحول في يوم ما الي شئ ينتقص من قدري رغم انه راي
والراي هو الراي
يتغير او يثبت فهو راي

انا متضايق جدا من مشاعر الوطنية الثورجية اللي لما بتجرف بتخلي الناس تنسي اصلا هما بيثوروا ليه
وعلي ايه
فيه مشكلة في ثقافتنا
ودي لو متحلتشي مش فارقة مين اللي يجي اصلا يحكم
ومين يمشي البلد

كل يوم بتأكد ان فعلا المسألة تحتاج الي تمهيد طويل يجب ان ينال اولا ارضية الثقافة العامة في مصر
وفي عقول الناس

مش عارف
بس قلت اشارك بشوية خواطر في وقت اشعر فيه باني شاذ وخارج عن ملة " الوطنية " ومرتد عن عقيدة " الثورة "

يمكن أكون متأخر في التعليق ...علي كل حال أنا متابع المدونة دي وسعيد بها وبصرف النظر عن رأيي في موضوع الإضراب (وأنا مؤيد له جدا) لكني كنت سعيد جدا بمتابعة النقاش المتحضر الذي تلي كتابة زينب لرأيها.
وليس معني أن نختلف أن يضيق صدرنا بهذا الاختلاف ولا نتحمل وجهات النظر الأخري...لي عتاب علي بعض من ردوا وأيضا علي صاحبة المدونة ولكنه بأمانة عتاب مصحوب بإعجاب شديد بما تفعلون....أيها الأبناء إنكم تنقلون مصر إلي عصر جديد