اكم من رجال قد الجبال ..اتقلبوا هبل

استاذتي وابلتي بالكويتي انا جدا معجبه ومنبهره بيكي اووي.اوووي وكل حاجه بتكتبيها زي الفل واربع طاشر

ست الحبايب ياسكر دايب كتير حاولت اسجل في موقعك الجديد ومأديرتش عمال يؤلي اني ناسي كلمه السر ونا مشناسي بئى وكمان ارسلتلك رسايل كتيره بحاول اوصل ازاي اخش وماعرفتش نوريني الله لايسيئك.

الزواج من زوجة ثانية مع عدم إخبار الزوجة الأولى هو ببساطة كذب واضح. والكذب أيضاً خيانة واضحة. والواقع أن من يتحركون في الحياة ضد تيار الدين مع محاولة تبرير ما يفعلونه بالدين هم أكثر من الهم على القلب، ويفعلون ذلك لا في الزواج وحده ولكن في أمور أخرى كثيرة، هينة أو خطيرة.

كل واحد حر، ماشي. الزوج حر أن يكشف حقيقة قلة وفائه ويسعى للزواج من أخرى، غير أن الزوجة الأولى من حقها أيضاً أن ترفض ذلك وتنفصل عن زوجها لو لم يتراجع. وإخفاء الأمر عن الزوجة الأولى هو سلب ونهب لحقها في الاختيار. يعني كل واحد حر على راسنا، بس ده يستلزم حريتها في القبول أو الرفض.

الموضوع كبيييييير قوي يا زينب
أولاٌ : كما قلتي الشرع ورب العزه سبحانه وتعالى وإن كان قد سمح للرجل بالزواج فإنه قيده بشرط من الصعب تحققه ألا وهو العدل بين الزوجات ... والعدل من أسماء الله الحسنى ولذلك فإنه من الصعب إن لم يكن من المستحيل الجمع بين الزوجات
هذا أولا
ثانياٌ : البعض منا ينظر للزوجه وكأنها محل للمتعه ولرعايه الأولاد فقط وليس لها مشاعر وأحاسيس ربما بحكم تكوينها أكثر من الرجل ... وطبعا ده المعتاد أما الإستثناء أن هناك سيدات لا يوجد لديهم إحساس أو دم أصلاٌ
ثالثا : من حق الرجل الزواج إذا إستطاع العدل بين زوجاته ووافقت الزوجه الأولى على ذلك وهذا أمر لاجدال ولا إفتاء فيه
أخيرا ... هو مين المجنون في الزمن ده إللي مفروض يتحبس في سرايه المجانين يتجوز تاني ....؟ أسألي أي واحد متجوز حيقولك لو الزمن يعود بيا ... وفي أحسن الأحوال حيقولك هو الحاجه الحلوه في الزواج العيال .....ههههههه
ولمن يريد الزواج من أخرى أقول كما قال الشاعر
" رب دهر بكيت منه فلما ولى بكيت عليه "
تقبلي خالص الود والتحيه

"واذا كنت عايز تروح تتجوز اتنين وتلاتة عشان تسترهم، ما تروح تساعد في زواج واحد وواحدة احسن"

الجملة دي عجبتني جدا
صراحة تسكت اي واحد
ربنا يكرمك

لا أرغب فى التعليق على المسلسل لأنه كغيره يعتمد على العجن الدرامي وعدم احترام المشاهد

انا جاى اهنيكى بالموقع الجميل ده
موفقة ان شاء الله

من الممكن أن يكون كل شيء أفضل لو كانت هناك شفافية في العلاقة بين الرجل وزوجته خاصةً وأن كل منهما اختار الآخر برغبته واختيار وليس "غصبانية" ولا تخليص حق..

تهانئي على المدونة الجديدة والتصميم الجديد..ولعله فأل حسن أن ينطلق مع العيد..

انا ما شفتش المسلسل .. بس عجبني كلامك في الجزء ده : اللي يضايق اكتر ان في ناس تقولك ان الرجل المفروض يتجوز اكتر من واحدة عشان نسبة العنوسة عالية في مصر. ودا غباء. لأن في مقابل نسبة البنات في اولاد كمان ما تجوزوش، واذا كنت عايز تروح تتجوز اتنين وتلاتة عشان تسترهم، ما تروح تساعد في زواج واحد وواحدة احسن

مع النقطه اللي اتكلمتي فيها عن قيود الدين في مسألة تعدد الزوجات

في مجتمعنا الشرقي .. سمعت كلام من رجاله كانوا دايما لو سمعوا انه واحد اتجوز واحده يجيبوا اللوم على الست .. و يقولوا لو كانت الست بتراعيه ما كانش بص بره

من رأيي .. انه قبل ما يلوم الست كان من باب أولى يحاول يناقشها في اي حاجه مضايقاه منها قبل ما يجري على ست غيرها .. و ده من واجبات الزوجيه ما بينهم .. هي مش مفروض عليها انها تفضل 24 ساعه محتاره ترضيه ازاي .. من حقها لو تعبت انها تلاقي منه حل لحيرتها دي و من بعدها هاتكون له كل اللي يتمناه

اي حياه زوجيه ممكن تمر بمرحلة فتـور و انشغال في الحياه العمليه .. لكن لو الازواج بينهم مساحه حقيقيه من التفاهم و الصدق و الحب و الصداقه .. هايعرفوا ازاي يجددوا حياتهم من وقت للتاني

لكن عيب أغلب الرجال الشرقيين انه نشأتهم و تربيتهم من زمان بتخليهم دايما يلاحظوا حقوقه على زوجته و ينسى حقوقها عليه بالمقابل

الزواج مش مجرد مشاركه في حاجات حلوه و لو انتهت يبقى هارمي الانسان اللي شاركني فيها و أدور على غيره يسعدني .. لانه الحياه فيها الحلو و الوحش .. و لو مريت بحاجات وحشه لازم أمسك بإيده و نعدّيه سوا .. بدون فراغة عين بعض الرجاله و استهتارهم بمشاعر الانسانه اللي عاشت معاهم زمن و كان بينهم عشره

شكرا لك على مناقشة الموضوع .. و اعتذر للاطالة
:)

صباح الفل على ست الكل والله والله انا بحبك بجد مش هار عشان روحك ....بتشبه روحي .انتي مواطنه حقيقيه وانسانه .انسانه بتشعر بهموم الناس ..ومشاكلهم.

mawdoo3 hayel. 2ananyet elragel fi mogtama3na ba2et 7'alas 7a2 moktasab. lel2saf elsetat bysahmoh fi estemrar dayret elqahr di. lazem elset te7terem 7o2o2ha 3lashan elragel ye7teremha. t7yaty

اكثر ما يضحكني هو ان يظهر الشخص نفسه بمظهر الشخص المساهم في تقليل مستوي العنوسه
وان زواجه هو تقليل من المشكله
كما تقولون بالمصري :-)
خوش في عبي
والرد منك كافي ان كانت تحب المشاركه في حل المشكله فساهم في زواج غيرك قبل ان تتزوج انت
تحياتي

مبروك الموقع الجديد
الموقع القديم عزيز عليا جدآ
أول مدونه نسائيه أتعرف عليها وكانت هى السبب
فى أنى أتعرف على مدونين وأنى كمان أعمل مدونه من خلال
شرحك لطريقة عمل مدونه ومش أنا لوحدى
تقريبآ معظم المدونين عملوا مدوناتهم من خلال وصلة كيف تنشأ مدونه جزاكى الله خير يا زينب
================
أعتقد أن موضوع تعدد الزوجات ده نادر
يعنى مش بيصادفنى خالص
وبعدين بيقولوا الرجاله فى مصر عندهم عجز جنسى
طيب أزاى يتجوزوا أكتر من واحده مش يتعالجوا أحسن
وكفايه أسره واحده من أم واحده
ربنا يهديهم

مبروك يا زينب.....

مبروك علي المدونة(الموقع)
ولون تصميمو مش عارف ليه حاسس انو بيطردني بس كلو يهون عشانك يا زيزي
بس نصيحة مني حاولي تعرضي البوست وتصغري حجم البانرز عشان كده البانرز بتخطف العين وبتفضل دايما في طرفها كده مش مخلياني اركز.بس الحق يتقال الالوان حلوة جدا جدا وبتهدي كده

مبروك ع الموقع الجديد تهانينا القلبيه انا متابعاكى بقالى فتره وعاجبنى قوى اسلوبك ربنا معاكى ويوفقك دايما ياريت لو تشرفينى بالزياره فى مدونتى يهمنى قوى رايك فى موضوعاتى واكون شاكره

مبروك على المدونه الجديده انا لسه مدون جديد ياريت تزورى مدونتى وتقولى رأيك

الزوجه التانيه
هو مفيش حاجه من كل الحجج اللى بيقولها الرجاله دى صح انا كراجل ومتجوز لو فكرت وانا فكرت كتير بس لان الايد قصيره والعين هيا اللى مش قصيره ماجل الموضوع ده واى راجل بيفكر يتجوز المفروض يجاوب بصراحه ويقول فراغه عين وكتر فلوس مش اكتر ولا اقل