لأن في حقنا.. نظر

بسم الله ودائما وابدا بسم الله
ازيك يابت انتى يا مصرية..
ازيك وازي ما وراكى ..
وكلمة مصرية يمكن تكون قريبة قوى من كلمة..اهلنا كانو بيوصفو بيها بنات البلد او لو اردتى الدقة البنات الى يمكن يكونو ف جسم حضرتك كانو بيقولو عليها بنت بلدى نسبة للسمنة البلدى اللى هى متربيةعليها يعنى بنت مش مسؤمة كدة ومسلوعة زى بنات الفرنجةيعنى نعت مش ذم .

المهم...
المهم اللى انا عايز اوصله ان المفروض ان جسم المصريات وبنات البلد لازم يكون عودهن ف مثل عودك ده

ليه انا بقول الكلام دة؟؟

واوعى حد يفهمنى غلط او يكون فاكر ان دى دعوة للاكل او التخن وزيادة الوزن.
انا بقول الكلام دة علشان انا بصراحة بحب العود الملفوف وفيه كتير من الرجال زيى وبعدين انا لما بيجى قدامى اكل _فراخ يعنى _ ما بحبش الفراخ المسلوعة اللى عملة بالضبط زى ما تكون جلد على عضم!.
يعنى بصراحة ليه بنفتكر ان العيب فينا؟!
ولو رجعنا لنظرية المؤامرة هى فعلا مؤامرة على بناتنا وشبابنا من قبليهم لو لو اسبعدنا النظرية الصحية وان الواحد لازم ياكل على قد مجهوده وان الاكل الكتير يعمل مشاكل كتير... مين اللى قال ان الواحد لازم يكون رفيع؟!

وعلشان ايه اكون رفيع؟؟ علشان اللبس يخل فيا؟؟يااخى ان شالله ما لبست هو يعنى الواحد ما يبقاش حلو الا اذا كان عامل زى البرص ولا زى الانسان المريض اللى عنده السل وليعوذ بالله؟!!

واذا انتى بنت وبتقولى الكلام دا وانتوا عندكوا الف موديل وموديل اشى البدى واشى البلوزة واشى الجنز واشى السلوبت واشى واشى... اومال الشباب يقول ايه وهو يا عينى يوم ما يقول انا نازل اشترى طقم جديد كله يرجع جايب زى بعضه هو قميص ومنطلون وتبقى كرثة لو ان اكلام اللى انتى بتعانى منه نعانى منه احنا كمان ساعتها يبقى الواحد فينا يمشى عريان احسن
ولينا لقاء
اخوكى
حمادة عزو
قصدى حمادة سلطان

انا لسة من يومين كنت بعانى من نفس المشكلة و والله مواصفاتى و طلباتى سهلة و بسيطة, حاجة لا هى ضيقة و لا هى برده واسعة اوى, ساعات كتيرة كنت بكره جسمى و دى اوحش حاجة ممكن البنت تحس بيها ياريت بس حد يفهم....

مشكلة غبية وغريبة فعلا، وهي أولا مشكلة السوق وصناعة الملابس. هنا في أمريكا مثلا تلاقي لبس مخصوص في قسم اسمه big and tall وده بقى للعمالقة الطوال والسمان، ومع ذلك بيلاقوا تشكيلة يختاروا منها، لكن ان بنت جسمها عادي يعني من نوع الأجسام اللي موجود كتير، لا رفيعة جدا ولا تخينة قوي، وما تلاقيش لبس يبقى كده فيه مشكلة فعلا.

عموما وانا بقرا عن محاولات الرجيم والدايت كنت وصلت للخاتمة اللي انتي فعلا وصلتي لها في الاخر. انا حتى وانا بتكلم مع البنات في عيلتي او حد عاوز يخس، طول عمري ما احبش فكرة الرجيم، لانه شيء غير طبيعي، والطبيعة الانسانية هتتغلب على اي رجيم عاجلا او اجلا، وكانت دايما نصيحتي لهم انهم ياكلوا عادي بس يزودوا نشاطهم، يعني يحرقوا اللي بياكلوه.

البداية زي ما قلتي في النهاية، ان كل فرد يحب جسمه زي ما هو، وبعدين يقرا ويتعلم ويحاول انه يعيش حياة صحية، والحياة الصحية بالضرورة تعني أكل صحي وحركة ورياضة، يعني مش يكون الهدف ان الواحدة تخس عشان تبقى عاملة مش عارف ازاي، لأ الهدف هو تحسين نوعية حياتها.

والله يا مصرية انا مش بشوف المشكله دي ...وبشوف بنات تخان كتير وبيلاقوا مقااسهم عادي وبشوف في محلات كتير مقاسات عادي!!!...محل زي فابلوز مثلا ....في مقاسات كتير من 10 ل 18 وفي محلات تانيه كتير...وبعدين لا تعقدي نفسك ولا حاجه يا بنتي كل بلوزه تزهقي منها حطيها في الغساله مع قماشه بطلع لون واغسليها هتطلع لك بلوزه نيو إديشن وجميله وحلوة وكل حاجه وانت نفسك مش هتعرفيها "مجرباها أصلي :D "

المره الجايه خديني معاكي وهتلاقي مقاسك :p

طلب صغير... بلاش مسألة الماث اللي تحت دي بتعقدني في عيشي :(

عزيزتى بنت مصرية انا بالطبع زى كل البنات مجربة اللى بتتكلمى عنة الف والف وفالنهاية بلوزة او طقم واحد ودة ع فكرة ملوش علاقة بالجسم دة لة علاقة بالذوق وطريقة اللبس والمشكلة اللى واجهتها انا بنفسى لما حاولت وفتحت محل ملابس حريمى وسبتة بعد شهرين بس لشريكى لانى لقيت ان فعلا اللبس الضيق والمقطع والقصير هوة اللى بيبع اكتر والمحل اتملا منة عصب عنى عشان الايجار والخ _______وحسيت انى بعمل حاجة حرام واشجع ع شئ سئ وكل بنت تدخل تطلب اضيق واضيق ومتقتنعش برأيى لو قلتلها ان اللبس شيك بس مش مهذب او قصير او ملفت كتير قوى
مش انتى بس فى المشكلة دى وتعرفى انا لقيت حل ظريف واللة جداااااااااا جربية الغورية ومحلات فالوكالة وفمدينة نصر عباس العقاد فيها لبس شيك ورقيق زى بتاع زمان لبس يجمع بين الاناقة والرقة والعملية اناحددت لبسى فالمحلات دى واقتنعت بذوق صحابها ومعنتش بلف خالص حولى انتى كمان تاخديلك لفة وتحددى محات بعينها وتقتنعى بذوق اصحابها اللى مشابة لذوقك وتأكدى انك هتلاقى طلبك بدل اللف وكمان ممكن همة يجيبوا طلبك ليكى
اما مسألة جسمك دى نا مش معاكى ربنا لما خلقنا ادانا صفات الشكل والروح التكوين وكل انسان تكوين جسمة بيتناسب مع هيئتة وطبعا لازم تحافظى ع وزنك بس بشرط مترهقيش نفسك ومن باب المحافظة ع صحتك مش عشان اللبس خالص
رد طويل اسة بس فالنهاية البوست بتاعك فعلا جميل لأنة واقعى جداااااااااااااا
تحياتى

بسم الله ودائما وابدا بسم الله
ازيك .....
انا فعلا مضايق اكتر منك على سوء الفهم اللى وصل لك ....
انا كان كل قصدر انى اخرجك من الموود اللى انت بتوصليله بعد كل مشوار شراء هدوم جديدة ودة مشوار دورته ممكن تكون بعدل 2 لفة/سنة. اى موسميه مرة ف الصيف ومرة ف الشتاء. وهناك من المشاوير اللى بتتكرر كل يوم وكأنها مكرر(منهج)علينا مكتوب علينا نذكره ونحفظه كمانواللى الواحد مننا سواء راجل ولا ست بيكره نفسه وروحه ودنيته مش جسمه ولا شكله بس_مشوار بجنيه عيش_جربتى تقف ف طابور العيش انا متهيئلى انك عندك عربية ولو معندكيش اكيد بتركب المكروباص اللى هو كمان من الاشياء اللى بتخلى الواحد يكره نفسه اثناء ما انت ركبة السيارة فاجاءة فيه اشارة والاشارة وقفة والدنيا كلها من حولينا وقفة الال الساعة هى بس اللى بتمشى اد ايه .......
اسف
اكمل بعدين

أدعوك للمشاركة في الحملة ضد جريدة المصري اليوم

زوروا مدونة مظلومين للتعرف على الحملة وأسبابها وأهدافها

كن إيجابيًا وشارك وقل
لا للكذب والتلفيق

مالك مصطفى

انا مش هتكلم كتير .. عايز بس أقولك أن كلامك في منتهى الجمال ..

الفهم دي نعمة تستحق الشكر .. ان الواحد يكون له رأي خاص بيه هو بغض النظر عن الناس .. دي بجد نعمة

ربنا يوفقك

والله مصنيعى الملابس فى مصر مبيعملوش استطلاعات لاحتاجات السوق وبعد كدا يصنعوم لا دول يصنعوم وبعد البيع يشفوم السوق قبل السلعه ولا لا حاجه غريبه
بس انا راجل بسيط بانزل اشترى اى حاجه المظهر الخارجى مش مهم اوى للدرجه دى بالنسبه لى

التفصيل هو الحل
قد يكون مملاً ، ولكنه فى مجمله افضل من شقائك هذا

أول مرة
عدى عليكم هنا واضح ان المدونة جميلة شدنى الموضوع فحبيت انى اضيف تعليق اسمحولى
الى شايفة من مدة ان المصنعين فى مصر اصبحوا يقوموا بتصنيع من كاتلوجات غربية- وماله- بس الصناعة والأدوات متندية فالنتيجة منتجات رديئة وعندما يرفض المستهلك شرائها يقوموا بعملية - الى مايرضى بالخوخ يرضى بشرابة- يقوموا مثبتنها فى المحلات ومافيش غير كدا لأما تشتريها او تمشى مقطع فيضر المستهلك الغلبان ان يدفع فلوس فى بضاعة راكدة رديئة
نفسى والله تتفرجوا على محلات الجزم بقى دى جزم يلبسها عاقل جزم ولا جزم بهلونات السيرك الى طووويلة ببوز او مربعة من غير بوز خالص - والله ماعارف اشترى جزمة محترمة
طبعا الجزم المحترمة تلاقيها فى المحلات الغالية الى ثمن الجزمة فيها بمرتب شهر
فى النهاية مضطر البس جزمة البهلونات واقول مانا عايش فى مصر الى بتسمح لكل الناس بدخول الأوبرا باجينز لكن ولاد البلد لازم بدلة
طولت انا اسف بس الموضوع مستفزنى من زمان

أستغرب جدا انصراف المعلقين نحو القشور وانشغالهم عن اللب والجوهر..
أحدهم: ناقش الجسم الجميل والمثير والمعجب، وشبهه بالدجاجة التي يريد أن يأكلها!!
وثان:انشغل بندرة المقاسات، وأشار إلى المحلات التي تختص بالقياسات الكبيرة..
وثالثة: رفضت مشكلة المقاسات من أصلها وادعت وجود جميع المقاسات وكأن المقاسات ووجودها هي المشكلة!
أخريات: تفضلن مشكورات بالدلالة على محلات جيدة لشراء الملابس، ورغم أن ذلك قد يكون مفيدا لزينب إلا أنه خارج عن مقصد الموضوع..

الموضوع كما فهمته يا سادة:
هو أن يرضى كل إنسان عما وهبه الله من جسم، وأن يرضى به ، وألا يشعر أنه بشع بغيض، ألا يكره ذاته، وألا تسيطر مسألة الوزن على عقله..
نعم: ليمارس الرياضة، وليجر لنفسه ريجيما إن رأى ذلك في مصلحته، ولكن لا يجب أن يكون الأمر كابوسا أبدا..

مع التحية..