في البداية ظننت أنه برد خفيف، لكن منذ أمس أخذ يشتد علي حتى طار من عيني النوم ولزمت الفراش وأنا أحاول أن اتحايل عليه وألهيه باللاب توب وأقراص البرادورال التي ظللت أخذ منها الواحدة تلو الأخرى وأحافظ على مواعيد الأدوية الأخرى التي أقرتها لي والدتي.
بعد ظهر اليوم، انهارت كل اسلحتي أمام البرد الشرس الذي أتى على عنقي ورأسي وعظامي فهمد كياني كله وذلك بمساعدة درجة الحرارة التي ارتفعت.
فكان قرار أمي بالبدء في استخدام آخر اسلحتنا، مضاد حيوي سريع المفعول ولننتظر ولنرى
أخذت قرصا. ونمت ساعتين أو ثلاثة. النوم مؤلم الآن في حد ذاته. قررت أن أتسلى عن نوم مفقود وحيوية منقطعة بالاستمرار في قراءة رواية "السائرون نياما" لسعد مكاوي
كم هي ثقيلة تلك الرواية. أحداثها المثيرة ولغتها وتراكيبها الممتعة وشخوصها أيضاً. لكني اليوم كنت أضعف من احتمال ما تشقيني به من أحداث فرحت أقرأ جزء وأغمض عيني المرهقة. اتخيل نفسي في هذا الزمن المنقضي، منذ خمسمائة عام. يبدو أن هلاوس المرض التي أصابت عمرو، قد لحقت بي أنا الأخرى.
ولكن يا ترى من أكون من بين شخوص تلك الرواية. تصورت نفسي أحد الحرافيش: يوسف الجهيني ربما، أو تلك الشيخة زليخة حليقة الرأس المجذوبة او فلاحة نحيلة من فلاحات ميت جهينة أو احد الدراويش الثلاثة ساكني الطاحون ،أو فأر راقص.
يبدو أني اخترت موقعا لي بين الحرافيش، ارحم عندي من المعسكر الثاني، المماليك والعسكر والجواري وما شابه، فمصر في هذا الزمن بلد من بلدين، من طبقتين ليس بينهما رابط. حرافيش وحكام. يشقى الحرافيش بالضرائب وغارات العسكر والرزق القليل والطاعون، ويشقى الحكام ببعضهم بعضا.
تدخل علي أختي بين الحين والآخر تداعبني وتقتطع علي القراءة، أنظر لها وأنا احمد الله على بيتنا الجميل وأهلنا المستورين.
أعود لأقرأ. هذا جزء عن سراديب الليل التي يختفي فيها كل المساجين الذين يغضب عليهم سلطان قائم، والذي غالبا يكون مصيره كذلك بعد شهر او شهرين من الحكم. يتلاعب بهم الدوادار ويغلبه قايتباي ليحكم بضع وعشرون سنة ليموت على سريره نادبا حظ ابنه الذي سيخلفه فهو اضعف من ان يحافظ على الحكم في مواجهة ثعالب المماليك.
ليس شيئا مرتبطا بين تلك الاحداث وما يلم بالحرافيش. ليس ما يربط بين اعلى المدينة واسفلها غير غارات مفاجئة من العسكر على الحواري والجحور،ليقتلوا ويسبوا ويذبحوا.
ماذا أقرأ بالله عليك أيها المرض. هل تلك رواية عن ثلاثون عاما انقضوا منذ خمسمائة عام؟ هل هذا حق؟ هل هذا زمن مختلف وشخوص مختلفة وسيناريو مختلف؟ هل تترك لي شيئا من العافية.. والأمل
أنهض عن سريري كالمحاربة ، وأخذ مكاني بين أفراد أسرتي وأمام التلفزيون، هاهي منى الشاذلي لا تترك ما بقى من عظم مجهد حتى تدق عليه وتذيع علينا تقريرا عن حرافيش البلد الواقفون في طوابير لاستخراج شهادات ميلاد لأولادهم حتى تشملهم رحمة الدعم وعطايا التموين من كيلو أرز وكيلو سكر وشيئا من الزيت لكل فرد.
ألف سلامة
ألف سلامة عليكى..
حتى وانتى عيانة بتفكرى فى الحرافيش والعسكر.. ارحمى نفسك شوية
الله يسلمك يا
الله يسلمك يا لينكساوي :)
ما هو انا لو كنت ناصحة شوية كنت مسكت لي حاجة لمحمود السعدني وللا احمد بهجت وماكنتش نكدت على نفسي
:D
سلامتك الف
سلامتك الف سلامة يا جميل
@لنيكساوى احسن وقت تفكر فى الحرافيش و عالمهم غير فى الوقت ده
ده كفاية الملل و انت قاعد فى السرير
الله يسلمك يا
الله يسلمك يا زينوبيا، ويبعد عنك المرض والملل :))
ألف لا بأس عليك
ألف لا بأس عليك وكفارة ذنوب أن شاء الله
سعدت بوجود من يقرأ الروايات مثلي
وإن كنت تعبت من القراءة عن البؤس فتجنبي ما قرأت لعبده خال
سلامتك
شكرا يا
شكرا يا جميلة،
ويارب يسمع منك وتكون كفارة ذنوب بإذن الله.. شكرا على الدعاء الحلو ده
سلامتك يامعلم
سلامتك يامعلم
تسلم يا كبير
تسلم يا كبير
سلامتك يا (( ألم
سلامتك يا (( ألم )) حر على أد مابيكتب على أد مابيوجع
أدمنت مدونتك يمكن لأنها كان ليها الفضل في تعليمي عن إنشاء المدونات !!
محتاجة مساعده منك لو فضيتي تراسليني ..لأني ماعرفتش إزاي أبعت لك إيميل ..عشان أنا خبصت شوية في البلوج بتاعتي لدرجة إني كرهتها ومش أدرة أضيف فيها حاجة.
بلييييز متنسيش
أختك ميس
على فكرة أنا بكتب مصري كويس بس أنا مش مصرية هههههه
بنت مصرية
بنت مصرية ارجوكى انقذينى من الجنان
انتى قولتى لو حد عاوز حاجة يجى يقولك
انا عاوزة احط اغنية على البلوج بتاعى ومش عارفة حاولت من الساعة 6 المغرب لحد الساعة 2 وش الصبح دلوقتى ومفيش فايدة بليز بليز بليز ابعتيلى على بلوجى قوليلى اعمل اية انا جربت النصايح اللى فى البلوج بتاعك ومشتغلتش خالص لازم تقوليلى بنفسك اعمل اية مستنية اجابتك على احر من الجمر
ألف سلامة على
ألف سلامة على البرد القارص اللي نزل عليكي فجأة كده
يعني اول مرة أدلخ المودنة ألاقي برد وكده
يارب يكون دخولي المرة الجاية وشه حلو بقى
دمت بخير
سلامتك يا زيزي
سلامتك يا زيزي
ألف سلامة يا
ألف سلامة يا فندم
شافاك الله وعافاك
الف
الف مليووووووووووون سلامة
يا أنشط وألطف مدونة مصرية ..شوية برد ويروحوا لحالهم..ولازمي ترجعي لل"السائرون نياما" دي تحفة ..مستنين تدويناتك دايما
صباح الفل
أشرف
الف سلامه
الف سلامه عليكي
يعني اغيب شويه ارجع الاقيكي عيانه كده
تقومي بالسلامه انشاء الله
------------------
واخيرا وبعد طول انتظار
كتاب يوميات اتنين مخطوبين نزل يا رجاله في المكتبات والمحلات
متوافر بمكتبة عمر بوك ستور
مكتبة مدبولى
الديوان بالزمالك
مكتبة ساقية الصاوى
وكمان حفل توقيع في: عمر بوك ستور
15 شارع طلعت حرب فوق مطعم فلفله ( عند محطة مترو السادات
من الساعه 6 مساء الى الساعه 9 مساء
وذلك يوم الجمعه الموافق 22 فبراير 2008
وقناة OTV هتيجي تصور حفل توقيع الكتاب
والدعوه عامه وهنبقى لمه
تعالوا شرفونا واحضروا معانا اللحظه دي
كلكم مدعوين
الف سلامة عليكى
الف سلامة عليكى واحب اقولك انى عملت مدونتى بعد ما قريتى الخطوات منك شكرا واتمنى متباعتى وابداء الرأى
عاوز أحط أغنية
عاوز أحط أغنية على المدونة بتاعتى انا جربت النصايح اللى فى البلوج بتاعك ومشتغلتش خالص وانا بعتلك قبل كده وشكلى كده هبطل تدوين
طيب يا مصطفى
طيب يا مصطفى انا معرفش غير الطريقة اللي ذكرتها في الشرح.. والله لو عندي غيرها كنت كتبت
الف سلامه
الف سلامه عليكى
بصى يا ستى
اول ما البرد يلعب فى مناخيرك
يعنى تحسى بحرقان خفيف فيها
فى الاول علطول
خدى يا اما اتنين بنادول كولد ان فلو كل تمن ساعات لمده يوم واحد
يا اما كونجستال اقراص
و لو لا قدر الله استمر
خدى بقه مضاد حيوى قوى و امرك لله
انا مش دكتوره
كل اللى فيها انى واحده بيجيلى برد كتيييير
و لقيت ده حل جميل
كمان ممكن تاخدى ليمون دافى مع عسل من غير ميه عليهم او بملعقه واحده ميه دافيه
و ربنا هوه الشافى
و مدوناتك تجنن على فكره
تعلـيق